دبئی: دبئی میں عوام کو ایک منفرد موقع فراہم کیا جا رہا ہے جس کے تحت وہ پہلی بار سونے سے مزین سائبر ٹرک جیت سکتے ہیں۔ دبئی کے گولڈ سوک ایکسٹینشن میں جاری لکی ڈرا کے ذریعے کسی خوش نصیب شخص کو دبئی کا پہلا 24K گولڈ پلیٹڈ سائبر ٹرک جیتنے کا موقع ملے گا۔
منتظمین کے مطابق، اس ڈرا میں حصہ لینے کے لیے، 14 نومبر سے 29 دسمبر تک کسی بھی شریک آؤٹ لیٹ سے ہر 500 درہم کی خریداری پر ایک ریفل ٹکٹ حاصل کیا جا سکتا ہے۔ اس ٹکٹ کے ذریعے خریدار اس شاندار الیکٹرک سائبر ٹرک کو جیتنے کا موقع پا سکتے ہیں۔
اگرچہ سونے سے لیپٹے اس سائبر ٹرک کی قیمت کا براہ راست ذکر نہیں کیا گیا، مگر اس کی قیمت بغیر سونے کی صرف گاڑی کی مارکیٹ میں تقریباً 490,000 درہم تک پہنچتی ہے۔ اس کے علاوہ، دبئی گولڈ سوک ایکسٹینشن ڈرا ایک بڑے منصوبے کا حصہ ہے جس میں تقریباً 300 دکانیں شامل ہیں، اور اس کے ذریعے لوگوں کو دبئی کے سنہری خزانے کا حصہ بننے کا موقع مل رہا ہے۔
