لاس اینجلس۔امریکی گلوکارہ اور اداکارہ جینیفر لوپیز کے حوالے سے حالیہ دنوں میں یہ افواہیں گردش کر رہی ہیں کہ وہ اپنے باڈی گارڈ کے ساتھ تعلقات میں ہیں۔ غیر ملکی میڈیا رپورٹس کے مطابق جینیفر نے واضح کیا تھا کہ وہ اس وقت کسی کو تلاش نہیں کر رہیں، تاہم ذرائع کا دعویٰ ہے کہ ان کا اپنے باڈی گارڈ کے ساتھ قریبی تعلق قائم ہو چکا ہے۔
رپورٹس کے مطابق جینیفر لوپیز نے اگست 2023 میں ہالی ووڈ اسٹار بین ایفلیک سے طلاق کے لیے درخواست دی تھی۔ اداکار کے ایک قریبی ذرائع کا کہنا ہے کہ جینیفر اپنی شادی کو بچانے کی خواہاں تھیں، لیکن حالات کے پیش نظر انہیں علیحدگی کا فیصلہ کرنا پڑا۔
جینیفر کے قریبی ذرائع کا کہنا ہے کہ ان کی اولین ترجیح اپنی خوشی اور سکون ہے، اور وہ اپنی زندگی کو نئے سرے سے ترتیب دینے کی کوشش کر رہی ہیں۔ ان کی تنہائی میں سکون کی تلاش اور زندگی میں آگے بڑھنے کے فیصلے کے نتیجے میں باڈی گارڈ کے ساتھ تعلقات کی قیاس آرائیاں مزید بڑھ گئی ہیں۔
واضح رہے کہ جینیفر لوپیز اور بین ایفلیک نے گزشتہ سال اپنی علیحدگی کا باضابطہ اعلان کیا تھا، جس کے بعد سے جینیفر کی نجی زندگی خبروں میں رہتی ہے۔ تاہم، ان قیاس آرائیوں کی کوئی تصدیق جینیفر یا ان کے قریبی ذرائع کی جانب سے نہیں کی گئی ہے۔
