چنگان پاکستان ایم 9 شیرپا کے نئے ویرینٹ متعارف کررہی ہے، جس کا نام “شیرپا پاور 1.2L” رکھا گیا ہے۔ اس نام سے ظاہر ہوتا ہے کہ نئے ماڈل میں 1200cc انجن ہوگا اور یہ 5-اسپیڈ مینوئل ٹرانسمیشن کے ساتھ آئے گا، جبکہ موجودہ M9 میں 1000cc انجن ہے۔ نئے ویرینٹ کی دوسری تبدیلی پاور اسٹیئرنگ ہے، جو موجودہ 1.0L M9 شیرپا میں فراہم نہیں کی گئی۔
کمپنی نئے گاڑی کو تعارفی قیمت پر 22,54,000 روپے میں لانچ کر رہی ہے۔ اس کے مقابلے میں موجودہ 1.0L M9 کی قیمت 21,79,000 روپے ہے۔ اس کا مطلب یہ ہے کہ صارفین 75,000 روپے اضافی ادا کرکے بڑا انجن اور پاور اسٹیئرنگ حاصل کر سکتے ہیں۔
