نیویارک: بھارتی کرکٹر ویرات کوہلی کو شادی کی پیشکش کرنے والی انگلینڈ کی خاتون کرکٹر ڈینیئل وائٹ نے اپنی ہم جنس پرست ساتھی جارجی ہوگ سے شادی کر لی ہے۔ ڈینیئل وائٹ انگلینڈ کی ایک معروف بلے باز ہیں جنہوں نے حال ہی میں اپنی ساتھی جارجی ہوگ سے منگنی کی تھی۔
اس کے علاوہ، ڈینیئل وائٹ سچن ٹینڈولکر کے بیٹے ارجن ٹینڈولکر کی سابق گرل فرینڈ بھی رہ چکی ہیں۔ ڈینیئل وائٹ ارجن ٹینڈولکر کی بولنگ کی مداح ہیں، اور جب ارجن انگلینڈ کا سفر کرتے ہیں تو وہ ڈینیئل سے ملاقات ضرور کرتے ہیں۔ اسی طرح، ڈینیئل جب بھارت جاتی ہیں تو ارجن سے ملنے کا موقع ہاتھ سے نہیں چھوڑتیں۔ 2014 میں، ڈینیئل وائٹ نے ویرات کوہلی کو سوشل میڈیا پر شادی کی پیشکش کی تھی کیونکہ وہ کوہلی کی بڑی مداح ہیں۔
ڈینیئل کی پارٹنر جارجی ہوج کیبیس فٹ بال کلب کی سربراہ ہیں۔ اس جوڑے نے 2023 میں اپنی محبت کا اظہار کیا تھا۔ڈینیئل وائٹ اور جارجی ہوج کی شادی کی تصاویر سوشل میڈیا پر وائرل ہو رہی ہیں اور صارفین مختلف تبصرے کر کے اپنی رائے دے رہے ہیں۔ڈینیئل وائٹ انگلینڈ کی وکٹ کیپر بلے باز ہیں۔ انہوں نے کئی ریکارڈ اپنے نام کیے ہیں۔ وائٹ فرنچائز کرکٹ بھی کھیلتی ہیں۔ وہ خواتین کی خطرناک کرکٹر کے طور پر جانی جاتی ہیں۔ڈینیئل وائٹ آئندہ ویمنز ٹی ٹوئنٹی ورلڈ کپ میں انگلینڈ کے لیے کھیلتی نظر آئیں گی۔ دائیں ہاتھ کی بلے باز وائٹ کو حال ہی میں دی ہنڈریڈ لیگ میں سدرن بریوز کے لیے کھیلتے ہوئے دیکھا گیا تھا۔
