کیلی فورنیا۔معروف WWE خاتون ریسلر نکی بیلا کے شوہر روسی ڈانسر آرٹیم چیگونٹسیف کو گھریلو تشدد کے الزام میں گرفتار کر لیا گیا۔، سابق WWE چیمپئن اور ہال آف فیمر نکی بیلا کے شوہر آرٹیم چیگونٹسیف کو گھریلو تشدد کے الزام میں جمعرات کو حراست میں لے لیا گیا۔ انہیں کیلیفورنیا کی ناپا کاؤنٹی جیل منتقل کیا گیا ہے۔
آرٹیم چیگونٹسیف کو ناپا ویلی کاؤنٹی کے تحت مختلف دفعات کی خلاف ورزی کے الزام میں گرفتار کیا گیا، جن میں 273.5 اے اور 73.5 اے شامل ہیں۔ یہ دفعات شریک حیات پر تشدد یا جسمانی چوٹوں سے متعلق ہیں۔
آرٹیم چیگونٹسیف گھریلو تشدد کے کیس میں مبینہ طور پر پولیس کے ساتھ تعاون کر رہے ہیں، جبکہ تفتیش کار اس بات کا جائزہ لے رہے ہیں کہ آیا ماضی میں کوئی تشدد کی کارروائی ہوئی تھی یا نہیں۔ پولیس نے آرٹیم کو 40 منٹ کی تفتیش اور الزامات کے تحت پوچھ گچھ کے بعد گرفتار کیا۔
