لندن۔انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی ہے۔آئی سی سی کی تازہ ترین رینکنگ کے مطابق، بابر اعظم کی ناقص کارکردگی کے باعث ان کی رینکنگ میں 6 درجے کی تنزلی ہوئی ہے، جبکہ محمد رضوان 7 درجے ترقی حاصل کر کے ٹاپ 11 میں شامل ہو گئے ہیں۔
ٹیسٹ رینکنگ میں انگلینڈ کے جو روٹ پہلی پوزیشن پر ہیں، کین ولیمزن دوسری، اور ڈیرل مچل تیسری پوزیشن پر موجود ہیں۔ انگلینڈ کے ہیری بروکس 3 درجے ترقی پا کر چوتھی پوزیشن پر آ گئے ہیں۔
اسی طرح، بابر اعظم تیسری پوزیشن سے نیچے آ کر نویں پوزیشن پر پہنچ گئے ہیں، اور ان کے ریٹنگ پوائنٹس کی تعداد 734 ہے، جبکہ رضوان 11ویں نمبر پر ہیں اور ان کے پوائنٹس 728 ہیں، انہیں 7 درجے کی ترقی حاصل ہوئی ہے۔ سعود شکیل ایک درجہ ترقی کے بعد 13ویں نمبر پر ہیں۔
بالنگ کی رینکنگ میں بھی، شاہین آفریدی 8ویں سے 10ویں نمبر پر پہنچ گئے ہیں، ان کی رینکنگ میں 2 درجے کی تنزلی ہوئی ہے۔
