ممبئی: بھارتی اداکارہ اور ماڈل شمع سکندر نے ایک انٹرویو میں انکشاف کیا ہے کہ بالی ووڈ کے ایک سپرسٹار نے گلے لگانے کے لیے شوٹ کی پوری سیچوئیشن تبدیل کروا دی۔
شمع سکندر نے بغیر نام لیے بتایا کہ ایک اشتہار کے لیے کام کرتے ہوئے سپراسٹار نے محض انہیں گلے لگانے کے لیے منظر تبدیل کروا دیا۔ انہوں نے کہا کہ نئے سین کے مطابق سپراسٹار کمرے میں داخل ہوئے اور انہیں گلے لگا لیا، لیکن اس کا انداز بہت عجیب تھا، جس سے وہ کافی پریشان ہوگئیں۔
سلمان پائپ چڑھ کر مجھ سےملنے آتے تھے، صومی علی کا انکشاف
اداکارہ نے کہا، “مجھے ایسا محسوس ہوا کہ وہ زبردستی مجھ سے گلے ملنا چاہتے تھے۔” انہوں نے مزید کہا کہ یہ تجربہ ان کے لیے شاک دینے والا ثابت ہوا، کیونکہ وہ بہت سے لوگوں کے ساتھ کام کر چکی ہیں لیکن اتنی تکلیف کبھی محسوس نہیں کی۔
شمع نے یہ بھی کہا کہ سپراسٹار کی شہرت کے باوجود انہوں نے فیصلہ کیا کہ وہ ان کے ساتھ دوبارہ کام نہیں کریں گی، چاہے وہ خود کتنی ہی کامیاب کیوں نہ ہوں۔ ان کے مطابق، “میں سپراسٹار بن جاؤں گی تب بھی اس شخص کے ساتھ کام نہیں کروں گی۔
