نیو یارک۔کامیڈین کرشنا ابھیشیک کی اہلیہ اور اداکارہ کشمیرا شاہ امریکا میں ایک خطرناک حادثے کا شکار ہو گئیں، جس کی اطلاع انہوں نے انسٹاگرام پر دی۔ کشمیرا نے ایک تصویر پوسٹ کی جس میں کار کی سیٹ پر خون میں لت پت ٹشوز دکھائے گئے۔
کشمیرا شاہ نے اپنی پوسٹ میں خدا کا شکر ادا کیا کہ حادثہ زیادہ سنگین نقصان کا باعث نہیں بنا۔ انہوں نے لکھا:
مجھے بچانے کے لیے خدا کا شکر ہے۔ یہ ایک خوفناک حادثہ تھا اور اس سے بھی بدتر ہو سکتا تھا۔ امید ہے کہ کوئی داغ نہیں رہے گا۔ ہر دن ایک لمحہ جیئیں۔ اپنے خاندان کے پاس واپس جانے کا انتظار کر رہی ہوں۔
کرشنا ابھیشیک نے کشمیرا کی پوسٹ پر تبصرہ کرتے ہوئے مداحوں کو یقین دلایا کہ وہ اب محفوظ ہیں اور صحت مند ہیں۔
حال ہی میں یہ جوڑا رئیلٹی کوکنگ شو ’لافٹر شیفس‘ میں ایک ساتھ نظر آیا تھا۔ کرشنا نیٹ فلکس کے شو ’دی گریٹ انڈین کپل شو‘ کے دوسرے سیزن میں بھی مصروف ہیں۔
حادثے کی خبر کے بعد مداحوں نے کشمیرا کے جلد صحت یاب ہونے کے لیے نیک تمناو¿ں کا اظہار کیا ہے۔ ان کی پوسٹ کے کمنٹ سیکشن میں محبت اور دعاو¿ں کا سلسلہ جاری ہے۔
