اسلام آباد۔وزیر اطلاعات و نشریات عطا تارڑ نے پاکستان تحریک انصاف (پی ٹی آئی) پر شدید تنقید کرتے ہوئے اسے تحریک انتشار قرار دیا اور دعویٰ کیا کہ اس میں گروہ بندی موجود ہے۔
اسلام آباد میں پریس کانفرنس کے دوران انہوں نے کہا کہ تحریک انتشار ملک کو نقصان پہنچانے والی سیاست کر رہی ہے اور نفرت کی سیاست کا انجام بہتر نہیں ہوگا۔
انہوں نے مزید کہا کہ آج عمران خان کی بہن علیمہ خان کے ترجمان پی ٹی آئی کے روف حسن کے ساتھ ہونے والی بات چیت منظر عام پر آئی ہے۔
عطا تارڑ نے بتایا کہ تحریک انتشار ملک کو نقصان پہنچانے کی سیاست میں ملوث ہے اور نفرت کی سیاست کا کوئی اچھا نتیجہ نہیں نکلتا۔
وفاقی وزیر نے کہا کہ بشریٰ بی بی ہمدردی کے نام پر جھوٹے اور من گھڑت بیانات پھیلانے کی کوشش کر رہی ہیں، تحریک انتشار میں کئی سالوں سے ڈس انفارمیشن سیل فعال ہیں، اور بشریٰ بی بی کے جھوٹے بیانیے میں کوئی حقیقت نہیں ہے۔
انہوں نے مزید کہا کہ پی ٹی آئی پر کنٹرول کی لڑائی جاری ہے، اور جو لوگ نفرت اور تقسیم کی سیاست کر رہے ہیں، ان کی اپنی پارٹی بھی انتشار کا شکار ہے۔ سیاسی مفادات کے لیے ملک کو نقصان پہنچانے کی کوششیں جاری ہیں۔
