لندن ۔ایک قاتل جس نے ایک شخص کو چاقو مار کر قتل کیا تاکہ وہ اس کی بیوی کے ساتھ رہ سکے، نے عدالت میں مقدمے کی سماعت کے دوران مقتول کی بیوی کو شادی کی پیشکش کر دی۔
مارک میڈوز، کو 2022 میں کیتھ گرین کے قتل کے جرم میں 23 سال قید کی سزا سنائی گئی تھی۔ مجرم نے عدالت میں مقتول کی بیوی لوئیس گریو کو شادی کی پیشکش کی۔ ڈیٹیکٹیو سپرنٹنڈنٹ جون کیپس نے ٹی وی شو “سپیشل آپس: ٹو کیچ آ کرمنل” میں انکشاف کیا “میں نے کبھی کراؤن کورٹ میں کسی کو شادی کی پیشکش کرتے نہیں دیکھا۔ یہ واقعی حیران کن ہے۔”
ڈیلی سٹار کے مطابق 24 سالہ میڈوز کا لوئیس گریو کے ساتھ افیئر 2021 میں شروع ہوا۔ لوئیس اپنے شوہر کیتھ اور دو بچوں کے ساتھ رہ رہی تھی۔لوئیس جو 13 سال بڑی تھی، نے میڈوز کو “جیزس” کا نام دیا کیونکہ اس کے بال لمبے تھے۔ لوئیس نے کیتھ کو گھر سے نکال دیا لیکن اسے واپس آنے کے لیے بھی کہا، جس سے میڈوز کے اندر حسد بڑھتا گیا۔ فروری 2022 کو میڈوز نے کیتھ پر حملہ کر کے اسے آٹھ مرتبہ چاقو مارا، جس سے اس کی موت واقع ہوئی۔
میڈوز اور اس کے بھائی گورٹن، کو قتل کے جرم میں سزا دی گئی، جبکہ لوئیس گریو کو 8 سال قید کی سزا سنائی گئی ہے۔ پولیس نے لوئیس گریو کے بیانات پر شکوک کا اظہار کیا، کیوں کہ وہ بظاہر اپنے جذبات کو کنٹرول کرتی دکھائی دیں۔وہ کبھی رو رہی تھیں اور کبھی ہنس رہی تھیں، جس نے ان کے کردار پر سوال اٹھایا۔
