لاہور۔پاکستان کے معروف تھیٹر اداکار اور کامیڈین نسیم وکی نے حال ہی میں اپنے ساتھی مزاحیہ اداکار احمد علی بٹ کی پوڈکاسٹ میں بھارتی شو “کامیڈی نائٹس ود کپل” میں کام کرنے کو اپنی زندگی کی سب سے بڑی غلطی قرار دیا۔
نسیم وکی نے کہا کہ بھارت میں کام کرنے کے بعد ان کو پذیرائی یا محبت کے بجائے زیادہ تر تنقید کا سامنا کرنا پڑا۔ انہوں نے انکشاف کیا کہ پاکستانی انڈسٹری کے کچھ فنکاروں نے ان کے اس فیصلے پر تنقید کی اور ان کے فیصلے کو سمجھنے کی بجائے صرف سرزنش کی۔
نسیم وکی نے کہا،
’’مجھے بہت شرمندگی ہے کہ میں نے کامیڈی نائٹس ود کپل میں کام کیا۔ اس شو میں شرکت سے مجھے نہ پاکستان میں کوئی خاص فائدہ ہوا، نہ ہی عالمی سطح پر۔ بلکہ مجھے یہ سننا پڑا کہ میں نے وہاں جا کر کیا ہی کیا ہے؟‘‘
پاکستانی کامیڈی انڈسٹری کے حوالے سے انہوں نے کہا کہ یہاں تھیٹر اور کامیڈی کے میدان میں اسکرپٹ کے بغیر کام کیا جاتا ہے، جس کی وجہ سے کوئی نیا ٹیلنٹ سامنے نہیں آ رہا۔
نسیم وکی نے مزید کہا،
’’گزشتہ 10 برسوں میں کامیڈی کے میدان میں کوئی نیا ستارہ ابھر کر نہیں آیا کیونکہ ریہرسل اور تیاری کو اہمیت نہیں دی جاتی۔‘‘
ان کے اس بیان سے ظاہر ہوتا ہے کہ وہ پاکستانی انڈسٹری میں بہتر معیار اور تیاری کی اہمیت کو تسلیم کرتے ہیں تاکہ نئے ٹیلنٹ کو فروغ دیا جا سکے۔
