اسلام آباد: چینی کمپنی شیاؤمی نے اپنے برانڈ ریڈمی کا نیا سستا ترین فون ’ریڈمی: اے فور، فائیو جی‘ متعارف کرایا ہے۔
اگرچہ اس فون کو گزشتہ ماہ چین اور کچھ دیگر ممالک میں پیش کیا گیا تھا، لیکن اب اسے پاکستان سمیت کئی ممالک میں فروخت کے لیے دستیاب کر دیا گیا ہے۔
ریڈمی: اے فور میں ایک طاقتور بیٹری اور ایک بیک کیمرہ دیا گیا ہے، جو اس کی قیمت کو کم رکھنے میں معاون رہا ہے۔ فون میں 6.7 انچ کی اسکرین اور شیاؤمی کے اپنے آپریٹنگ سسٹم ہائپر او ایس 14 کے ساتھ اینڈرائیڈ 14 فراہم کیا گیا ہے۔
اس فون میں 4 جی بی ریم کے ساتھ 64 جی بی اور 112 جی بی کی داخلی میموری کی اختیارات دستیاب ہیں۔ فون میں 5,160 ایم اے ایچ کی بیٹری ہے اور 18 واٹ کا فاسٹ چارجنگ سپورٹ بھی دیا گیا ہے۔ اس کے ساتھ ساتھ فون میں مختلف اضافی فیچرز بھی شامل ہیں۔
ریڈمی: اے فور کا فرنٹ کیمرہ 8 میگا پکسل اور بیک پر 50 میگا پکسل کا واحد کیمرا ہے۔ کمپنی کا دعویٰ ہے کہ کیمرہ ٹیکنالوجی میں اپگریڈ کیا گیا ہے اور اس میں جدید فیچرز شامل کیے گئے ہیں۔
اس فون کی قیمت 64 جی بی میموری ماڈیول کے لیے 27,000 روپے اور 112 جی بی ماڈیول کے لیے 31,000 روپے رکھی گئی ہے، جو اسے سستے فون کے طور پر متعارف کراتی ہے۔ تاہم، کچھ صارفین نے فون کے فیچرز کو محدود قرار دیتے ہوئے مایوسی کا اظہار کیا ہے۔
