واشنگٹن۔امریکہ میں تعینات پاکستانی سفیر رضوان سعید شیخ سے پاکستانی ڈاکٹروں کی تنظیم ’’اپنا ‘‘کے نیو یارک چیپٹر نے ملاقات کی ہے۔
’’اپنا‘‘وفد کی قیادت ڈاکٹر شمیم سلمان نے کی۔ ملاقات میں صحت کے شعبے میں پاک امریکہ تعاون کے فروغ پر تبادلہ خیال کیا گیا۔
سفیر پاکستان رضوان سعید شیخ نے پاک امریکہ تعلقات کو مزید مستحکم بنانے اور سماجی شعبے اور انسانی ہمدردی کے شعبے میں ’’اپنا‘‘نیو یارک چیپٹر کے کردار کو سراہا اور اپنے مکمل تعاون کا اعادہ کیا۔
ڈاکٹروں کے وفد نے پاکستانی سفیر کا شکریہ ادا کیا اور پاک امریکہ تعلقات میں بہتری باالخصوص صحت کے شعبے میں ذاتی دلچسپی پر ان کے کردار کو سراہا۔
