پشاور ۔خیبرپختونخوا کے ضلع اورکزئی میں پولیو ٹیم کی حفاظت پر مامور پولیس اہلکاروں پر حملے کے نتیجے میں 2 اہلکار جاں بحق ہو گئے جبکہ جوابی فائرنگ سے 3 دہشت گرد مارے گئے۔ پولیو ٹیم کی حفاظت پر مامور پولیس اہلکاروں پر دہشتگردوں نے حملہ کیا، جس کے نتیجے میں ایک اہلکار جاں بحق اور دوسرا زخمی ہوا تھا۔پولس کا کہنا تھا کہ بعد ازاں، زخمی ہونے والے پولیس اہلکار نے بھی دم توڑ دیا، جس کے بعد جاں بحق اہلکاروں کی تعداد 2 ہو گئی۔
دوسری جانب سکیورٹی خدشات پر 6 اضلاع میں پولیو مہم ملتوی کر دی گئی۔پولیو حکام نے بتایا کہ مہم 28 اکتوبر سے شروع ہوئے، جسے ملتوی کر دیا گیا ہے، ضلع کرم، جنوبی وزیرستان، اپر، لوئر وزیرستان میں مہم ملتوی کی گئی ہے۔ بنوں اور شمالی وزیرستان میں بھی پولیو مہم نہیں ہو گی، مزید کہنا تھا کہ سیکیورٹی کلیئرنس کے بعد مہم وبارہ شروع کی جائے گی۔
