اسلام آباد: پاکستان اور پڑوسی ملک بھارت میں اپنی اداکاری کے جوہر دکھانے والی معروف اداکارہ ماورا حسین کی سوشل میڈیا مقبولیت میں اضافہ ہوگیا ہے۔ماورا حسین نے اداکاری کی دنیا میں کامیابی کے بعد اب سوشل میڈیا پر بھی اپنی مقبولیت کے جھنڈے گاڑتے ہوئے اپنے انسٹاگرام ہینڈل پر 9 ملین فالوورز حاصل کر لیے ہیں۔
اداکارہ نے اپنے 9 ملین فالوورز کی تعداد کا جشن شاندار انداز میں منایا۔ اس جشن کے لیے ماورا حسین نے سفید پروں والا خوبصورت لباس پہنا، جس میں وہ بے حد حسین لگ رہی تھیں۔انہوں نے اپنے جشن کی چند دلکش تصاویر اپنے آفیشل انسٹاگرام ہینڈل پر بھی پوسٹ کیں، جن میں وہ بہت خوش نظر آ رہی تھیں۔
ماورا حسین نے 9 ملین فالوورز ہونے پر اپنے مداحوں کا شکریہ ادا کرتے ہوئے کہا، “آج ہم 9 ملین ہیں، ایک دن ہم 90 اور 900 ملین بھی ہوں گے۔”اداکارہ نے مزید کہا، “مجھے پیار کرنے اور میرے سفر میں سپورٹ کرنے کے لیے آپ سب کا بہت شکریہ۔”
انہوں نے یہ بھی کہا کہ “آپ کی محبت نے مجھے ہر مشکل کے سامنے مضبوطی سے کھڑا ہونا سکھایا۔ اگر آپ کا ساتھ نہیں ہوتا تو آج میں اس مقام پر نہیں ہوتی۔”آخر میں، انہوں نے مداحوں سے اپنی محبت کا اظہار کرتے ہوئے کہا، “میں آپ سب سے محبت کرتی ہوں۔”
