الغازي ٹریکٹرز لمیٹڈ نے جدید فارمنگ کے میدان میں ایک اہم قدم اٹھاتے ہوئے 85 ہارس پاور انجن کے حامل نیو ہالینڈ این ایچ 850 ٹریکٹر کو متعارف کرایا ہے۔ یہ تقریب لاہور کے مقامی ہوٹل میں منعقد ہوئی، جس کے مہمان خصوصی میجر جنرل شاہد نذیر تھے۔
میجر جنرل نذیر نے ٹریکٹر کی متعارف کرانے پر الغازی ٹریکٹرز کو مبارکباد دی اور کہا کہ ترقیاتی منصوبوں کے باعث اس ٹریکٹر کی ڈیمانڈ میں اضافہ ہوگا۔ انہوں نے امید ظاہر کی کہ الغازی کسانوں کی خدمت کے سفر کو جاری رکھے گا۔
تقریب میں سرکاری حکام، کاروباری ادارے، ڈیلرز، وینڈرز اور الغازی کے حکام کی بڑی تعداد موجود تھی۔ الغازی کے سی ای او ثاقب الطاف نے پاکستان میں زرعی شعبے کی ترقی کے عزم پر زور دیا اور اس نئے ٹریکٹر کی کارکردگی اور پائیداری کی تعریف کی۔
اختتامی کلمات میں رابرٹ میک ایلسٹر نے اس تقریب کو نئی پروڈکٹ کا اعلان نہیں بلکہ الغازی کی ٹیم کی محنت اور شراکت داروں کے کام کا ثبوت قرار دیا۔ اس ٹریکٹر کی لانچنگ زرعی شعبے میں ایک نیا معیار قائم کرنے کی امید ہے۔
