دلجیت دوسانج کا پاکستانی مداح کے لیے تحفہ: ویڈیو وائرل

بھارتی گلوکار دلجیت دوسانج کی ایک ویڈیو سوشل میڈیا پر تیزی سے وائرل ہو رہی ہے، جس میں انہوں نے برطانیہ کے شہر مانچسٹر میں اپنے کنسرٹ کے دوران ایک پاکستانی مداح کو خصوصی تحفہ پیش کیا۔

دلجیت نے ہال میں موجود مداحوں کو تحفہ دینے کا اعلان کیا اور ایک پرچی کے ذریعے نام نکالا۔ جب خاتون اسٹیج پر آئیں، تو دلجیت نے ان سے پوچھا کہ آپ کہاں سے ہیں۔ خاتون نے جواب دیا کہ ان کا تعلق پاکستان ہے۔ اس پر دلجیت نے کہا کہ “ہمارے لیے پاکستان اور ہندوستان دونوں برابر ہیں۔ ہم دونوں کی دل سے عزت اور محبت کرتے ہیں۔”

دلجیت کی اس بات پر ہال تالیوں سے گونج اٹھا، اور انہوں نے پاکستانی مداح کے لیے خاص طور پر تالیاں بجوائیں۔ یہ لمحہ مداحوں کے لیے خوشگوار اور یادگار رہا۔ دلجیت کی پاکستانی مداح سے گفتگو اور تحفہ دینے کی ویڈیو نے سوشل میڈیا پر خوب مقبولیت حاصل کی۔