ریڈ بال فارمیٹ کے ہیڈ کوچ جیسن گلیسپی نے ڈومیسٹک پرفارمر کامران غلام کو انگلینڈ کے خلاف اسکواڈ سے ڈراپ کرنے پر اپنی رائے دی ہے۔
کامران غلام نے چیمپئنز ون ڈے کپ میں شاندار کارکردگی دکھائی، لیکن پھر بھی انہیں بنگلادیش کے خلاف ہوم سیریز کے بعد انگلینڈ کے خلاف اسکواڈ سے باہر کردیا گیا۔
چیمپئنز کپ کے دوران کمنٹری کرتے ہوئے سلمان بٹ نے گلیسپی سے سوال کیا کہ کامران کی مسلسل پرفارمنس کے باوجود انہیں کیوں ڈراپ کیا گیا؟ جس پر گلیسپی نے کہا کہ “میں نے کامران کو ڈارون میں پاکستان شاہینز کے ساتھ پرفارم کرتے ہوئے دیکھا ہے، ان کی پرفارمنس قابلِ تعریف ہے، لیکن ہم موجودہ اسکواڈ پر اعتماد کرنا چاہتے ہیں۔”
گلیسپی نے کامران غلام کو مشورہ دیا کہ وہ چیمپئنز ون ڈے کپ اور پریذیڈنٹ کپ میں اپنی ٹیموں کی نمائندگی جاری رکھیں۔
دوسری جانب، مداحوں نے پاکستان کرکٹ بورڈ (پی سی بی) کی سلیکشن کمیٹی پر تنقید کرتے ہوئے کہا ہے کہ ایسے فیصلے کھلاڑیوں کے مورال کو توڑنے کے لیے کیے جا رہے ہیں۔
