واشنگٹن: ایک نئی تحقیق سے یہ بات سامنے آئی ہے کہ اینٹی ڈپریسنٹس ادویات یادداشت اور سوچنے کی صلاحیتوں میں بہتری لا سکتی ہیں۔
محققین کی رپورٹ کے مطابق، کچھ مریضوں نے “Lexapro” نامی اینٹی ڈپریسنٹس دوا لینے کے بعد دماغی ٹیسٹوں میں بہتر نتائج کا تجربہ کیا۔
“Biological Psychiatry” نامی جریدے میں شائع ہونے والے نتائج کے مطابق، یہ دوا دماغ میں 5HT4 ریسیپٹر، جو کہ ایک سیروٹونن ریسیپٹر ہے، کو متاثر کرتی ہے۔
محققین نے اپنی نوٹس میں کہا کہ سیروٹونن کو خوشی کا ہارمون قرار دیا جاتا ہے۔ دماغ میں سیروٹونن کی بلند سطح صحت مند محسوس کرنے میں مدد دیتی ہے اور اسے طبی ڈپریشن کو کم کرنے کے لیے مؤثر پایا گیا ہے۔
