اسلام آباد ۔ملائشیاء کے وزیر اعظم انور ابراہیم آیندہ ماہ پاکستان کا دورہ کریں گے،ذرائع کے مطابق انور ابراہیم اکتوبر میں پاکستان کا دورہ کریں، ملائشیائی وزیر اعظم کی اکتوبر کے پہلے ہفتے میں دورہ پاکستان کی توقع ہے، ان کے ہمراہ ایک اعلی سطح کا وفد بھی پاکستان پہنچے گا، ملائشیاء کے کسی بھی وزیر اعظم کا دورہ پاکستان 5 برس کے بعد ہو رہا ہے، سابق ملائشیائی وزیر اعظم نے مارچ 2019 میں پاکستان کا دورہ کیا تھا،انور ابراہیم کا یہ پہلا دورہ پاکستان ہو گا، ملائشیائی وزیر اعظم کے دورہ پاکستان کے دوران متعدد معاہدوں و مفاہمتی یاداشتوں پر دستخط ہوں گے، دورہ پاکستان کے دوران ملائشیائی وزیر اعظم وزیر اعظم شہباز شریف سمیت پاکستانی قیادت سے ملاقاتیں کریں گے، دورے کے دوران باہمی تجارت, سرمایہ کاری پر بات چیت ہو گی،خصوصی طور پر مسئلہ فلسطین پر بھی تبادلہ خیال ہو گا، دونوں ممالک فلسطین کے معاملہ کے دو ریاستی حل کے حامی ہیں۔
