اسلام آباد۔الیکشن کمیشن نے اسلام آباد کے بلدیاتی انتخابات تاحکم ثانی ملتوی کردئیے ۔ الیکشن کمیشن کی جانب سے جاری ہونے والے نوٹیفیکیش کے مطابق وفاقی حکومت کی جانب سے اسلام آباد لوکل گورنمنٹ ایکٹ میں ترمیم کی وجہ سے حلقوں کی تعداد میں اضافہ ہوگیا ہے جس کے موجودہ شیڈول کے مطابق بلدیاتی انتخابات کا انعقاد نہیں ہوسکتا ہے لہذا موجودہ انتخابی شیڈول کو تاحکم ثانی منسوخ کیا جاتا ہے ۔
