اسلام آباد۔ ماہر معاشیات ڈاکٹر قیصر بنگالی نے 3 حکومتی کمیٹیوں سے استعفیٰ دے دیا۔ڈاکٹر قیصر بنگالی حکومتی کفایت شعاری کمیٹی، رائٹ سائزنگ اور حکومتی اخراجات میں کمی کی کمیٹی کے رکن تھے۔ڈاکٹر قیصر بنگالی نے استعفیٰ وزیر خزانہ محمد اورنگزیب اور سیکریٹری کابینہ کامران افضل کو بھجوادیا۔اپنے بیان میں قیصر بنگالی نے کہا کہ حکومت نے اخراجات میں کمی کےلیے اچھی کوششیں کیں، حکومتی اخراجات میں کمی کےلیے تینوں کمیٹیاں بڑی اہم ہیں، اخراجات کم کرنے کےلیے تینوں کمیٹیوں نے تجاویز دیں۔
