لندن۔انٹرنیشنل کرکٹ کونسل (آئی سی سی) نے سال 2024 کے بہترین کرکٹرز کا اعلان کر دیا۔بھارتی فاسٹ بولر جسپریت بمراہ کو ان کی غیر معمولی کارکردگی پر سر گارفیلڈ سوبرز ایوارڈ برائے آئی سی سی مین کرکٹر آف دی ایئر 2024 سے نوازا گیا۔
بمراہ نے تمام فارمیٹس میں شاندار کھیل پیش کیا اور اس سے قبل آئی سی سی مین ٹیسٹ کرکٹر آف دی ایئر 2024 کا اعزاز بھی اپنے نام کیا تھا۔
بمراہ نے آسٹریلیا کے ٹریوس ہیڈ، انگلینڈ کے جو روٹ اور ہیری بروک کو پیچھے چھوڑتے ہوئے یہ ایوارڈ جیتا اور وہ یہ اعزاز حاصل کرنے والے پانچویں بھارتی کرکٹر بن گئے۔
بمراہ کی کارکردگی
- ٹی20 ورلڈ کپ 2024 میں 8 میچز میں 15 وکٹیں حاصل کیں، فائنل میں جنوبی افریقہ کے خلاف دو اہم وکٹیں بھی شامل ہیں۔
- ٹیسٹ کرکٹ میں 13 میچز میں 71 وکٹیں حاصل کیں، جو سال 2024 میں کسی بھی بولر کی سب سے زیادہ وکٹیں تھیں۔
- بمراہ بھارت کے تیز ترین 200 ٹیسٹ وکٹیں حاصل کرنے والے بولر بھی بن گئے۔
سال کی بہترین خواتین کرکٹر
ویمن کرکٹر آف دی ایئر 2024 کا ایوارڈ نیوزی لینڈ کی میلی کیر کو دیا گیا، جنہوں نے سال بھر شاندار آل راؤنڈ کارکردگی دکھائی۔
- 43 وکٹیں حاصل کیں، 14 کیچز پکڑے، اور 651 رنز اسکور کیے۔
ٹی ٹوئنٹی کرکٹر آف دی ایئر
- مینز ٹی ٹوئنٹی کرکٹر آف دی ایئر بھارت کے ارشدیپ سنگھ قرار پائے۔
- ویمنز ٹی ٹوئنٹی کرکٹر آف دی ایئر کا ایوارڈ بھی نیوزی لینڈ کی میلی کیر کو دیا گیا۔
ون ڈے کرکٹر آف دی ایئر
- مینز ون ڈے کرکٹر آف دی ایئر کا اعزاز افغانستان کے آل راؤنڈر عظمت اللہ عمر زئی کے حصے میں آیا۔
- ویمنز ون ڈے کرکٹر آف دی ایئر بھارت کی سمرتی مندھانا قرار پائیں۔
ایمرجنگ کرکٹر آف دی ایئر
- مینز ایمرجنگ کرکٹر آف دی ایئر سری لنکا کے کمندو میندس بنے۔
- ویمنز ایمرجنگ کرکٹر آف دی ایئر جنوبی افریقہ کی انیری ڈرکسن کے نام رہا۔
سال کے بہترین امپائر
امپائر آف دی ایئر کا ایوارڈ انگلینڈ کے رچرڈ النگ ورتھ کو دیا گیا۔
