جے شنکر کے دورہ میں کرکٹ بحالی پر کوئی بات نہیں ہوئی

بھارتی وزیر خارجہ جے شنکر کے حالیہ دورہ پاکستان کے دوران پاک-ہندوستان کرکٹ کے بحالی کے حوالے سے کوئی بات چیت نہیں ہوئی۔ بھارتی میڈیا کی رپورٹس کے مطابق، شنگائی تعاون تنظیم (ایس سی او) کے سربراہی اجلاس کے بعد کرکٹ سیریز پر کوئی تبادلہ خیال نہیں ہوا۔

آئی سی سی چیمپئنز ٹرافی 2025 کے لیے بھارتی ٹیم کو پاکستان آنا ہے، لیکن بھارتی کرکٹ بورڈ نے ابھی تک پاکستان کرکٹ بورڈ (پی سی بی) کو ٹیم کی آمد کے بارے میں آگاہ نہیں کیا ہے۔

آئی سی سی کے نئے چیئرمین جے شاہ کے انتخاب کو اس بات کی نشانی سمجھا جا رہا ہے کہ پاکستان نے کوئی اعتراض نہ اٹھایا، جس کی وجہ سے دونوں بورڈز کے درمیان ممکنہ طور پر کوئی ڈیل طے پا گئی ہو۔

یاد رہے کہ سال 2008 کے ایشیا کپ کے بعد بھارت نے پاکستان کا دورہ نہیں کیا، اور دونوں ٹیموں کے درمیان آخری باہمی سیریز 2012-13 میں کھیلی گئی تھی۔ سیاسی تناؤ کی وجہ سے پاک-بھارت کرکٹ صرف آئی سی سی ایونٹس تک محدود رہ گئی ہے۔