لندن: ایک 9 سالہ فوٹوگرافر نے جھاڑیوں اور دیگر پودوں کی تصویر کشی کے دوران ایک گلابی ٹڈا ڈھونڈ نکالا۔ جیمی نے اس گلابی ٹڈے کی ویڈیو اپنے انسٹاگرام ہینڈل “ایگل آئیڈ گرل” پر شیئر کی ہے۔
یہ گلابی ٹڈا انتہائی نایاب ہے۔ اپنی انسٹاگرام پوسٹ میں جیمی نے لکھا کہ دنیا بھر میں صرف ایک فیصد افراد ہی زندگی میں ایک بار اس نایاب ٹڈے کو دیکھ پاتے ہیں۔
گلابی ٹڈے کی ویڈیو سوشل میڈیا پر تیزی سے وائرل ہو گئی ہے۔ لوگوں نے اس ویڈیو کو دیکھ کر خوشی کا اظہار کیا اور جیمی کی محنت کی تعریف کی۔ جیمی نے اپنی ویڈیو کے نیریشن میں بتایا کہ یہ ٹڈا جینیاتی ترتیب میں بگاڑ یا خرابی کی وجہ سے گلابی ہو جاتا ہے۔
لوگوں کو یہ بات بہت پسند آئی کہ جیمی نے صرف ویڈیو اور تصاویر ہی شیئر نہیں کیں بلکہ اس ٹڈے کی انوکھی رنگت کے بارے میں بھی اہم معلومات فراہم کیں۔
