اسلام آباد۔وفاقی وزارت قانون و انصاف نے سوشل میڈیا پر زیر گردش جسٹس منصور علی شاہ کے بطور چیف جسٹس نوٹیفکیشن کو جعلی قرار دے دیا ہے۔وزارت کی جانب سے جاری کردہ اعلامیہ کے مطابق، جسٹس منصور علی شاہ کا چلنے والا نوٹیفکیشن مکمل طور پر جعلی ہے اور وزارت نے اس معاملے میں کوئی رسمی نوٹیفکیشن جاری نہیں کیا۔واضح رہے کہ جسٹس منصور علی شاہ اس وقت سپریم کورٹ کے سینیئر جج ہیں اور موجودہ چیف جسٹس قاضی فائز عیسیٰ کی ریٹائرمنٹ کے بعد وہ چیف جسٹس کے عہدے پر فائز ہوں گے۔
