کراچی: پاکستان پیپلز پارٹی کے چیئرمین بلاول بھٹو زرداری 36 برس کے ہوگئے، اور ان کی سالگرہ بلاول ہاؤس میں منائی گئی۔
بلاول بھٹو زرداری نے اپنی سالگرہ کا کیک بی بی آصفہ بھٹو زرداری اور پی پی پی شعبہ خواتین کی مرکزی صدر فریال تالپور کے ہمراہ کاٹا۔ اس تقریب میں وزیراعلیٰ سندھ سید مراد علی شاہ، سابق وزیراعلیٰ سید قائم علی شاہ، اور پی پی پی کے صوبائی و قومی اسمبلی کے اراکین اور سینیٹرز نے بھی شرکت کی۔
چیئرمین بلاول بھٹو زرداری کو پیپلز پارٹی سندھ کے صدر نثار کھوڑو، جنرل سیکریٹری وقار مہدی، اور سیکریٹری اطلاعات عاجز دھامرا سمیت دیگر تنظیمی عہدیداران اور اراکین پارلیمان نے مبارکباد دی۔
بلاول بھٹو زرداری 21 ستمبر 1988 کو کراچی کے لیڈی ڈفرن اسپتال میں پیدا ہوئے تھے۔
