واشنگٹن: امریکی دارالحکومت واشنگٹن ڈی سی میں بھارتی سفارت خانے کا ایک اہلکار پراسرار حالت میں مردہ پایا گیا ہے۔ بھارتی میڈیا کے مطابق، بھارتی سفارت خانے نے اپنے اہلکار کی ہلاکت کی تصدیق کی ہے، لیکن مزید تفصیلات فراہم نہیں کی گئیں۔بھارتی سفارت خانے نے ایک بیان میں کہا کہ وہ ایجنسیوں اور اہلکار کے خاندان کے ساتھ رابطے میں ہیں، اور ان کی ہمدردیاں متاثرہ خاندان کے ساتھ ہیں۔مقامی پولیس اور سیکرٹ سروس کے اہلکار اس واقعے کی ہر پہلو سے تحقیقات کر رہے ہیں، جن میں خودکشی کے امکان کا بھی جائزہ لیا جا رہا ہے۔
