راولپنڈی۔اڈیالہ جیل میں قید عمران خان کی اہلیہ بشری بی بی اپنی بیرک میں چوہوں کے مسائل سے پریشان ہیں۔
سماعت کے دوران، بشری بی بی نے عدالت کو آگاہ کیا کہ ان کی بیرک میں چوہے ہیں، اور نماز کے دوران چوہے چھت سے گرتے ہیں۔ انہوں نے کہا کہ یہ مسئلہ گزشتہ تین ماہ سے جاری ہے۔
بشری بی بی کی شکایت پر جج نے ڈپٹی سپریٹنڈنٹ کو طلب کیا اور انہیں مسئلہ حل کرنے کا حکم دیا۔
ڈپٹی سپریٹنڈنٹ طاہر صدیق شاہ نے عدالت میں بیان دیا کہ انہیں آج ہی اس مسئلے کا علم ہوا ہے اور انہوں نے یقین دلایا کہ اس مسئلے کو جلد حل کر لیا جائے گا۔
