انتخابی مہم کے دوران ڈونلڈ ٹرمپ کی حمایت کرنے والے ایلون مسک، جنہوں نے فنڈز کی فراوانی کے ساتھ ٹرمپ کی مدد کی تھی، اب ممکنہ طور پر امریکی صدر سے اپنے تعلقات کو ختم کرنے جا رہے ہیں۔
امریکی میڈیا نے اطلاع دی ہے کہ ایلون مسک نے “ڈیپارٹمنٹ آف گورنمنٹ ایفیشنسی” (DOGE) کی سربراہی سے مستعفی ہونے کا ارادہ اپنے قریبی ساتھیوں کو بتا دیا ہے۔
رپورٹ کے مطابق، ایلون مسک نے یہ فیصلہ اپنے کاروباری معاملات پر پوری توجہ مرکوز رکھنے کے لیے کیا ہے۔
یاد رہے کہ چند دن قبل ڈونلڈ ٹرمپ نے اس بات کا امکان ظاہر کیا تھا کہ ایلون مسک اپنے عہدے سے استعفیٰ دے دیں گے، تاہم ٹرمپ نے یہ وضاحت بھی کی کہ نہ تو وہ اور نہ ہی ان کی حکومت ایلون مسک کی کارکردگی سے غیر مطمئن ہیں۔
اس کے باوجود، ایلون مسک اپنی متنازع حکمت عملی اور وفاقی حکومت میں کٹوتیوں کی وجہ سے ایک تنازعاتی شخصیت بن چکے ہیں۔
ایلون مسک کے مستعفی ہونے کی خبر اس وقت سامنے آئی ہے جب ان کی کمپنی ٹیسلا نے اپنے کاروبار میں ریکارڈ اضافہ کیا ہے۔
البتہ، ابھی تک امریکی حکومت یا ایلون مسک نے DOGE سے دستبرداری کی تصدیق نہیں کی ہے۔
