جوس خریدنے کے لیے رکنے والی خاتون لاکھوں ڈالر جیت گئی

امریکا کی ریاست شمالی کیرولائنا میں ایک خاتون نے محض جوس خریدنے کی غرض سے رک کر ڈھائی لاکھ ڈالر کی انعامی لاٹری جیت لی۔ کیلی اسپہر نامی خاتون نے لاٹری انتظامیہ کو بتایا کہ وہ اپنے علاقے کے ایک مارٹ میں نارنجی کا جوس خریدنے کے لیے رکی تھیں، جہاں ان کی نظر کچھ لاٹری ٹکٹس پر پڑی۔

انہوں نے بتایا کہ گیس اسٹیشن پر نئے لاٹری ٹکٹس دیکھے تو انہوں نے قسمت آزمانے کا فیصلہ کیا۔ ان ٹکٹس نے انہیں 2 لاکھ 50 ہزار ڈالر کا ٹاپ انعام جتوا دیا۔

کیلی اسپہر نے کہا کہ یہ جیت ان کے لیے واقعی ایک زندگی بدل دینے والا موقع ہے۔ انہوں نے مزید کہا کہ یہ رقم ان کے خاندان کے لیے بہت مددگار ثابت ہوگی اور اس سے ان کی مالی حالت میں بہتری آئے گی۔