دورہ آسٹریلیا: پاکستانی کرکٹرز کا ہیڈ کوچ جیسن گلیسپی کی اکیڈمی کا دورہ

دورہ آسٹریلیا کے دوران پاکستانی کرکٹرز نے ہیڈ کوچ جیسن گلیسپی کی اکیڈمی کا دورہ کیا، جہاں قومی کھلاڑیوں نے اکیڈمی کی جدید سہولتوں کا جائزہ لیا اور تربیتی مرکز کی اعلیٰ معیار کی سہولتوں کی تعریف کی۔

پاکستانی کھلاڑیوں میں صائم ایوب، عبداللہ شفیق، سلمان علی آغا، عامر جمال، اور عرفات منہاس شامل تھے۔ انہوں نے گلیسپی اکیڈمی میں جدید بالنگ مشینوں اور تربیتی سہولتوں کو بہت سراہا، جو بیٹرز کی تکنیک کو نکھارنے کے لیے مشہور ہیں۔ کھلاڑیوں نے اکیڈمی کی شاپ سے کرکٹ کے کئی گیئرز بھی خریدے۔

دوسری جانب، پاکستان کو آسٹریلیا کے خلاف پہلے ون ڈے میچ میں 2 وکٹوں سے شکست کا سامنا کرنا پڑا تھا، جس کے نتیجے میں تین میچز کی سیریز میں میزبان ٹیم کو 0-1 کی برتری حاصل ہے۔

دونوں ٹیموں کے درمیان سیریز کا دوسرا میچ کل (جمعہ) 8 نومبر کو ایڈیلیڈ میں کھیلا جائے گا، جس میں پاکستان کو سیریز میں واپس آنے کا موقع ملے گا۔