پاکستان میں واٹس ایپ اکاؤنٹس کی ہیکنگ میں اضافہ

پاکستان میں انسٹنٹ میسجنگ ایپ واٹس ایپ کے اکاؤنٹس کے ہیک ہونے کے واقعات میں نمایاں اضافہ ہوا ہے، جس نے صارفین کے درمیان تشویش بڑھا دی ہے۔

پچھلے چند مہینوں میں ملک بھر میں واٹس ایپ اکاؤنٹس کی ہیکنگ کی شکایات میں خطرناک حد تک اضافہ ریکارڈ کیا گیا ہے۔

ایف آئی اے کے سائبر کرائم ونگ کو رواں سال یکم جولائی سے اب تک 1426 ہیکنگ کی شکایات موصول ہوئی ہیں، جبکہ یہ تعداد ان صارفین کو شامل نہیں کرتی جنہوں نے شکایت درج نہیں کرائی۔

سائبر کرائم کی ٹیم نے کئی اکاؤنٹس کو بحال کرنے کے لئے کارروائیاں کی ہیں، جبکہ باقی شکایات پر بھی تحقیقات جاری ہیں۔ مزید برآں، ایف آئی اے نے زیر التوا شکایات کو باقاعدہ انکوائریوں میں تبدیل کرنے کا فیصلہ کیا ہے۔

ہیک ہونے والے واٹس ایپ اکاؤنٹس کی تمام تفصیلات سینیٹ میں پیش کی گئی ہیں، مگر زیر التوا شکایات کی تفصیلات ابھی تک شائع نہیں کی گئی ہیں۔