اسلام آباد۔پاکستان سمیت بیشتر ممالک کے شہریوں کے لیے متحدہ عرب امارات (یو اے ای) میں داخل ہونے کے لیے پیشگی وزٹ ویزا حاصل کرنا ضروری ہوتا ہے، جس کے دوران اکثر اوقات شہریوں کو فیسوں اور دیگر انتظامی معاملات میں مشکلات کا سامنا کرنا پڑتا ہے۔
سیاح یو اے ای میں داخلے کے لیے دو طریقوں سے ویزا حاصل کر سکتے ہیں: وہ براہ راست ویزا کے لیے درخواست دے سکتے ہیں، یا یو اے ای میں کسی اسپانسر یا میزبان کے ذریعے ویزا حاصل کر سکتے ہیں، جس کے لیے مخصوص فیس اور مالیاتی ضمانت کی رقم جمع کرانا ضروری ہے۔
بیرون ملک سے آنے والے افراد کو سیاحت کے مقصد کے لیے 30 یا 60 دن کے لیے ایک بار کے وزٹ ویزا کی منظوری دی جاتی ہے، جس کے لیے یو اے ای میں موجود اسپانسر یا میزبان کا سیاحت کے شعبے میں کام کرنے والا ادارہ ہونا ضروری ہے۔
یو اے ای وزٹ ویزا کے تقاضے:
ایک پاسپورٹ سائز کی تصویر
پاسپورٹ کی کاپی
کچھ قومیتوں (جیسے عراق، پاکستان، ایران، افغانستان) کے لیے ملک کی شناختی کارڈ
یو اے ای میں درست طبی انشورنس
آگے کا سفر جاری رکھنے یا یو اے ای چھوڑنے کا ٹکٹ
یو اے ای وزٹ ویزا کی تازہ ترین فیس (نومبر 2024):
60 دن کے وزٹ ویزا کی فیس 300 درہم ہے
اس کے علاوہ 5 فیصد ویلیو ایڈڈ ٹیکس (وی اے ٹی) بھی لاگو ہوگا
اضافی فیس (اگر اسپانسرڈ شخص یو اے ای کے اندر موجود ہو):
نالج درہم: 10 درہم
انوویشن درہم: 10 درہم
یو اے ای کے اندر فیس: 500 درہم
ان تمام تفصیلات کو مدنظر رکھتے ہوئے، یو اے ای کا وزٹ ویزا حاصل کرنا ایک پیچیدہ عمل ہو سکتا ہے جس میں فیس اور دیگر ضروری تقاضوں کی تکمیل اہمیت رکھتی ہے۔
