انٹرنیشنل مکسڈ مارشل آرٹس مقابلے پاکستان کے نام

پاکستان نے لاہور میں ہونے والے انٹرنیشنل مکسڈ مارشل آرٹس مقابلوں میں شاندار کامیابی حاصل کی، جہاں بھارتی فائٹرز پاکستان کے کھلاڑیوں کے مقابلے میں بے بس نظر آئے۔

یہ مقابلے اسپورٹس بورڈ پنجاب کے ہال میں آئی ٹی ایف تھری کے تحت منعقد کیے گئے تھے۔

اینٹم ویٹ ٹائٹل میں پاکستان کے رفیق آفریدی نے بھارتی فائٹر پردیپ کو شکست دی، جبکہ فیدر ویٹ ٹائٹل کے مقابلے میں پاکستان کے رضا نے بھارت کے روی کو ہرا کر چیمپیئن بننے کا اعزاز حاصل کیا۔

پاکستانی فائٹرز بلال حسین، حاذق چانڈیو، زاہد خان، اعجاز احمد، اور مجاہد بیگ نے بھی بھارتی حریفوں کے خلاف فتح حاصل کی۔ افغانستان کے ساتھ ہونے والی تین فائٹس میں پاکستان کے صرف مصعف آصف نے کامیابی اپنے نام کی۔