راجہ بشارت، عالیہ حمزہ، اور صنم جاوید کی راہداری ضمانتیں منظور

پشاور ہائیکورٹ نے پی ٹی آئی کے رہنماؤں راجہ بشارت، عالیہ حمزہ، اور صنم جاوید کی راہداری ضمانت منظور کر لی ہے۔ سماعت جسٹس فہیم ولی کے سامنے ہوئی۔

راجہ بشارت کی راہداری ضمانت کی درخواست میں وکیل عالم خان ادینزئی نے مؤقف اپنایا کہ ان کے موکل پر ٹیکسلا میں دہشت گردی کا مقدمہ سیاسی بنیادوں پر درج کیا گیا ہے۔ انہوں نے کہا کہ یہ الزامات بے بنیاد ہیں اور راجہ بشارت متعلقہ عدالت میں پیش ہونا چاہتے ہیں، مگر گرفتاری کا خدشہ ہے۔

عدالت نے راجہ بشارت کو تین نومبر تک ضمانت دی اور انہیں متعلقہ عدالت میں پیش ہونے کا حکم دیا۔

اسی طرح، عالیہ حمزہ اور صنم جاوید کی درخواستوں پر بھی سماعت ہوئی، جس کے نتیجے میں دونوں خواتین کی 8 نومبر تک راہداری ضمانت منظور کر لی گئی۔