ویڈیو شیئرنگ ایپ ٹک ٹاک پر “سندھی ویرات” کے نام سے مشہور بھارتی کرکٹر ویرات کوہلی کے ہمشکل کی ویڈیوز تیزی سے وائرل ہو رہی ہیں۔
اس ویڈیو بنانے والے لڑکے کو اس کے دوستوں نے پیار سے “سندھی ویرات” کا نام دیا ہے، کیونکہ وہ حیرت انگیز طور پر بھارتی کرکٹر کی طرح نظر آتا ہے۔ اگرچہ سندھی ویرات کو سوشل میڈیا پر زیادہ مقبولیت نہیں ملی، لیکن ان کی ویڈیوز کو بڑی تعداد میں شیئر کیا جا رہا ہے۔
اس سے پہلے، بنگلادیش میں شیخ حسینہ واجد کی حکومت کے خلاف پُرتشدد مظاہروں کے دوران بھارتی کرکٹر ویرات کوہلی کے ہم شکل کی تصاویر بھی خوب وائرل ہوئیں۔ ان تصاویر میں دیکھا جا سکتا ہے کہ ویرات کے ہم شکل کو بنگلادیشی نوجوانوں نے کندھے پر اٹھا رکھا ہے، جبکہ اس نے انڈین پریمیئر لیگ کی فرنچائز رائل چیلنجز بنگلورو کی کیپ پہنی ہوئی ہے۔
