راولپنڈی اور اٹک میں دفعہ 144 کے تحت 4 اور 5 اکتوبر کے لیے ڈبل سواری پر پابندی عائد کر دی گئی ہے۔ محکمہ داخلہ پنجاب کی جانب سے جاری کردہ نوٹیفکیشن کے مطابق یہ پابندی تشدد، ہنگامہ آرائی اور دہشت گردی کی روک تھام کے لیے لگائی گئی ہے۔ قانون نافذ کرنے والے اداروں کے اہلکاروں کو اس پابندی سے مستثنیٰ قرار دیا گیا ہے۔ یہ اقدام عوامی سلامتی کے تحفظ کے لیے اٹھایا گیا ہے، اور اس دوران شہریوں سے تعاون کی توقع کی گئی ہے۔
