پاکستان تحریک انصاف (پی ٹی آئی) نے جلسے کی اجازت نہ دینے پر ڈپٹی کمشنر (ڈی سی) لاہور کے خلاف درخواست دائر کر دی ہے۔
لاہور ہائی کورٹ کے رجسٹرار آفس نے اس درخواست کو سماعت کے لیے مقرر کر دیا ہے۔ جسٹس فاروق حیدر اس درخواست کی سماعت کریں گے، جو 30 ستمبر کو ہوگی۔
درخواست میں موقف اختیار کیا گیا ہے کہ ڈی سی لاہور نے عدالتی احکامات کے باوجود جلسے کی اجازت نہیں دی، جس پر درخواست گزار نے عدالت سے استدعا کی ہے کہ ڈی سی لاہور کے خلاف توہین عدالت کی کارروائی عمل میں لائی جائے۔
