کراچی ۔پیپلزپارٹی کے رہنما شرجیل میمن نے کہا ہے کہ یروشلم پوسٹ میں عمران خان کے بارے میں دیے گئے انکشافات افسوسناک ہیں۔اسرائیلی اخبار میں شائع ہونے والے آرٹیکل پر ردعمل دیتے ہوئے شرجیل میمن نے کہا کہ اسرائیل بانی پی ٹی آئی کی کھل کر حمایت کر رہا ہے اور یہ کہ اسرائیل کا کہنا ہے کہ اگر عمران خان دوبارہ اقتدار میں آتے ہیں تو انہیں فائدہ ہوگا۔اسرائیل اب کھیل کرسامنے آگیا ہے، انہوں نے مزید کہا کہ اگر اسرائیل یہ سمجھتا ہے کہ عمران خان ان کے لیے بہتر ہیں تو قوم کو اس پر غور کرنا چاہیے۔شرجیل میمن نے کہا کہ یروشلم پوسٹ کا یہ انکشاف بہت ہی افسوسناک ہے۔ انہوں نے یاد دلایا کہ لندن میئر کے الیکشن میں عمران خان نے پاکستانی نژاد شہری کے خلاف مہم چلائی، جس سے ان کے تانے بانے سامنے آ رہے ہیں۔
