کراچی: پاکستان کی معروف سُپر ماڈل مشک کلیم کے ہاں بیٹی کی پیدائش ہوئی ہے۔
مشک کلیم نے اپنے آفیشل انسٹاگرام ہینڈل پر اپنی ننھی پری کی آمد کا اعلان کیا۔ انہوں نے ایک تصویر شیئر کی جس میں وہ، ان کے شوہر اور نومولود بیٹی کا ہاتھ دکھائی دے رہا ہے۔
انہوں نے اپنی پوسٹ میں بتایا کہ ان کی بیٹی کی پیدائش 13 ستمبر کو ہوئی ہے اور ان کا نام ‘عاریہ ضیاء’ رکھا گیا ہے۔
فیشن انڈسٹری سے وابستہ شخصیات اور سوشل میڈیا صارفین کی جانب سے مشک کلیم کو بیٹی کی پیدائش پر مبارکباد دینے کا سلسلہ جاری ہے۔
یاد رہے کہ مشک کلیم نے 2021 میں اپنے دیرینہ دوست نادر ضیاء کے ساتھ شادی کی تھی۔
