کراچی: پاکستان اسٹاک ایکسچینج میں 1510 پوائنٹس کی نمایاں تیزی دیکھی گئی، جس کے نتیجے میں انڈیکس نے 81,000 پوائنٹس کی نفسیاتی حد بھی عبور کر لی۔ 100 انڈیکس اب 81,971 پوائنٹس پر پہنچ گیا ہے۔
یہ تیزی آئی ایم ایف سے قرض پروگرام کی منظوری کی توقعات، ایکسٹرنل فنانشل گیپ میں کمی، اور بڑے پیمانے کی صنعتوں میں 2.38 فیصد کی نمو جیسے عوامل کے باعث ہوئی۔ اس کے علاوہ، ایشیائی ترقیاتی بینک کی جانب سے اگلے چار سال میں 8 ارب ڈالر کے قرضے کی امید نے بھی مارکیٹ کی سرگرمیوں کو فروغ دیا۔
اسٹیٹ بینک کی جانب سے شرح سود میں 2 فیصد کی کمی نے کیپیٹل مارکیٹ کی سرگرمیوں پر مثبت اثر ڈالا، جبکہ ٹیکسٹائل، فوڈ، کیمیکل، آٹو اور گارمینٹس سیکٹرز میں بحالی نے بھی مارکیٹ میں مثبت مومنٹم کو برقرار رکھا۔ کاروبار کے آغاز سے ہی مارکیٹ گرین زون میں موجود ہے۔
