آسٹریلیا کی حکومت نے میٹا کو خبردار کیا ہے کہ اگر وہ آن لائن غلط معلومات کے پھیلاؤ کو روکنے میں ناکام رہی تو سوشل میڈیا پلیٹ فارمز کی عالمی آمدنی کا 5 فیصد جرمانہ عائد کیا جائے گا۔
میڈیا رپورٹس کے مطابق، حکومت کا یہ اقدام سوشل میڈیا کمپنیوں پر لگام ڈالنے اور انہیں جھوٹی معلومات کے پھیلاؤ کو روکنے کے لیے دباؤ ڈالنے کے مقصد سے اٹھایا گیا ہے۔
حکومت نے کہا ہے کہ وہ ٹیکنالوجی پلیٹ فارموں کو ایسے ضابطے ترتیب دینے پر مجبور کرے گی جو ان کے پلیٹ فارم پر نقصان دہ جھوٹی معلومات کو روک سکیں۔ ریگولیٹر سے منظوری حاصل کرنا ضروری ہوگا، اور اگر کوئی پلیٹ فارم اس ضابطے کی تعمیل میں ناکام رہا، تو ریگولیٹر کارروائی کرے گا اور عدم تعمیل پر کمپنیوں پر جرمانہ عائد کیا جائے گا۔
