ممبئی: بالی ووڈ اداکارہ شردھا کپور اور راج کمار راؤ کی کامیڈی ہارر فلم ‘استری 2’ نے باکس آفس پر شاندار کامیابی حاصل کرتے ہوئے سُپر اسٹار پرابھاس کی فلم ‘باہوبلی 2’ کو پیچھے چھوڑ دیا ہے۔
15 اگست کو ریلیز ہونے والی ‘استری 2’ نے اپنے پہلے دن سے ہی باکس آفس پر دھوم مچائی اور دنیا بھر سے کروڑوں روپے کا بزنس کیا۔
حال ہی میں، اس فلم نے بھارتی فلم انڈسٹری کی تاریخ میں ایک اور بڑا کارنامہ سرانجام دیا ہے۔
‘استری 2’ نے بھارتی فلم انڈسٹری میں سب سے زیادہ کمائی کرنے والی تیسری ہندی فلم بن کر پرابھاس کی بلاک بسٹر فلم ‘باہوبلی 2’ کو شکست دی ہے۔
بھارتی میڈیا کے مطابق، ‘استری 2’ نے اپنے پہلے 24 دنوں میں 516.25 کروڑ بھارتی روپے کا بزنس کیا، جبکہ ‘باہوبلی 2’ نے اسی مدت میں 510.99 کروڑ بھارتی روپے کمائے تھے۔
فلم ‘استری 2’ اپنی ریلیز کے 22ویں دن 500 کروڑ کے کلب میں شامل ہو گئی تھی، اور یہ شاہ رخ خان کی فلم ‘جوان’ کے بعد سب سے تیزی سے 500 کروڑ کلب میں شامل ہونے والی دوسری ہندی فلم بھی بن گئی ہے۔
