کیلیفورنیا کی جنگلاتی آگ نے ہالی ووڈ اداکارہ کا گھر بھی لپیٹ میں لے لیا

امریکی ریاست کیلیفورنیا کے جنگلات میں لگی آگ نے مشہور برطانوی اداکارہ جین سیمور کے گھر کو بھی اپنی لپیٹ میں لے لیا، جس کی وجہ سے انہیں اپنا گھر ہنگامی طور پر چھوڑنا پڑا۔ 73 سالہ جین سیمور نے سوشل میڈیا پر اس واقعے کی تصاویر شیئر کیں، جن میں فائر فائٹرز آتشزدگی کو قابو پانے کی کوشش کرتے دکھائی دے رہے ہیں۔ ان تصاویر نے سوشل میڈیا پر وائرل ہو کر بہت توجہ حاصل کی۔

جین سیمور نے تصدیق کی کہ وہ محفوظ ہیں اور ان کا گھر چھوڑنے کے باوجود وہ مکمل طور پر محفوظ ہیں۔ انہوں نے فائر فائٹرز کا شکریہ ادا کیا اور کہا کہ یہ افراد اپنی جان خطرے میں ڈال کر گھروں اور شہریوں کی جان بچانے کی بھرپور کوشش کر رہے ہیں۔

رپورٹس کے مطابق، کیلیفورنیا کے جنگلات میں لگی یہ خوفناک آگ 4 ہزار ایکڑ سے زیادہ رقبے پر پھیل چکی ہے۔ ملیبو کے علاقے میں تین روز قبل بھڑکنے والی یہ آگ تاحال قابو میں نہیں آ سکی ہے اور فائر فائٹرز اس کو بجھانے کی کوششوں میں مصروف ہیں۔