ملازمت کے سلسلے میں بیرون ملک شہروں کا انتخاب ایک پیچیدہ اور اہم مرحلہ ہوتا ہے، جس کے لیے مرکر (Mercer) لندن۔نامی ادارے نے اپنی تجزیاتی رپورٹ میں دنیا کے بہترین اور بدترین شہروں کی فہرست جاری کی ہے۔
مرکر نے 2024 کے لیے دنیا کے رہنے کے لائق بہترین شہروں کی فہرست شائع کی ہے، جس میں 450 سے زائد شہروں کی سیاسی، سماجی، صحت، تعلیم، جرائم کی شرح اور دیگر 39 اہم عوامل کی بنیاد پر درجہ بندی کی گئی ہے۔
اس فہرست میں سوئٹزرلینڈ کے شہر زیورخ نے سب سے زیادہ نمبرز حاصل کرکے رہنے کے لیے سب سے بہترین شہر ہونے کا اعزاز حاصل کیا ہے۔ دوسرے نمبر پر آسٹریا کا شہر ویانا ہے، جبکہ سوئٹزرلینڈ کا جنیوا تیسرے، ڈنمارک کا کوپن ہیگن چوتھے، نیوزی لینڈ کا آکلینڈ پانچویں اور نیدرلینڈ کا ایمسٹرڈیم چھٹے نمبر پر ہے۔
اسی طرح، جرمنی کا شہر فرینکفرٹ ساتویں، کینیڈا کا وینکوور آٹھویں، اور سوئٹزرلینڈ کے شہروں برن اور باسل نے بالترتیب نواں اور دسویں نمبر پر اپنی جگہ بنائی ہے۔
براعظم ایشیا میں رہنے کے لیے بہترین شہر سنگاپور قرار پایا، جو مجموعی طور پر 30 ویں نمبر پر ہے۔ پاکستان کے دارالحکومت اسلام آباد کا نمبر 204، کراچی کا 218 اور لاہور کا 220 واں نمبر ہے۔
دوسری جانب، دنیا کے بدترین شہروں کی فہرست میں سوڈان کا دارالحکومت خرطوم کو سب سے نیچے قرار دیا گیا ہے، جو 241 ویں نمبر پر ہے۔ جنگ زدہ عراق کا دارالحکومت بغداد 240، وسطی افریقی جمہوریہ کا شہر بنگوئی 239، یمن کا شہر صنعا 238، اور ہیٹی کا شہر پورٹ او پرنس 237 ویں نمبر پر ہیں۔
