مودی کے جنگی عزائم: آبدوز سے نیوکلیئر صلاحیت والا میزائل فائر کرنیکا تجربہ

بھارتی وزیراعظم نریندر مودی اپنے جارحانہ جنگی عزائم کے باعث خطے میں طاقت کے توازن کو متاثر کر رہے ہیں۔

بھارتی میڈیا کے مطابق، انڈین نیوی نے جوہری آبدوز سے ساڑھے تین ہزار کلو میٹر تک مار کرنے والے بیلسٹک میزائل کا کامیاب تجربہ کیا ہے۔ یہ اقدام بھارت کی بڑھتی ہوئی دفاعی صلاحیتوں کی نشاندہی کرتا ہے۔

یاد رہے کہ بھارتی بحریہ کے بیڑے میں موجود آئی این ایس اریہانت اور آئی این ایس اریگھاٹ دونوں جوہری آبدوزیں بیلسٹک میزائل فائر کرنے کی صلاحیت رکھتی ہیں۔ ان میں سے دوسری جوہری آبدوز، آئی این ایس اریگھاٹ، کو رواں سال اگست میں وشاکھاپٹنم میں واقع شپ بلڈنگ سینٹر میں شامل کیا گیا تھا۔

اس کے علاوہ، بھارت نے ایک اور جوہری آبدوز بھی لانچ کی ہے، جس کی توقع کی جا رہی ہے کہ وہ آئندہ برس بھارتی بحریہ میں شامل کی جائے گی۔ یہ ترقیات بھارت کی دفاعی حکمت عملی کو مزید مستحکم کرنے کی کوششوں کا حصہ ہیں، جس کے نتیجے میں خطے میں طاقت کا توازن متاثر ہو سکتا ہے۔