ایک نئی برطانوی تحقیق سے یہ بات سامنے آئی ہے کہ حمل کے دوران وٹامن ڈی سپلیمنٹس لینے والی خواتین کے بچے مستقبل میں مضبوط ہڈیوں کے حامل ہو سکتے ہیں۔
ساؤتھمپٹن یونیورسٹی کی اس تحقیق کے مطابق، جن ماؤں نے حمل کے دوران وٹامن ڈی کے سپلیمنٹس استعمال کیے، ان کے بچوں کی ہڈیاں 7 سال کی عمر میں اُن بچوں سے زیادہ مضبوط اور گھنی ہوتی ہیں جن کی ماؤں نے ایسا نہیں کیا۔
اس تحقیق کی سرکردہ محقق ڈاکٹر ربیکا مون نے اس نتائج کو ہڈیوں کی صحت کے لیے ایک اہم پیشرفت قرار دیا ہے، جو زندگی بھر برقرار رہ سکتی ہے۔ انہوں نے کہا کہ یہ ابتدائی اقدام صحت عامہ کے لیے ایک اہم حکمت عملی کی نمائندگی کرتا ہے، کیونکہ یہ بچوں کی ہڈیوں کو مضبوط بناتا ہے اور مستقبل میں آسٹیوپوروسس اور فریکچر جیسے مسائل کے خطرے کو کم کرتا ہے۔
ڈاکٹر مون، جو یونیورسٹی میں بچوں کی صحت کی کلینکل لیکچرر بھی ہیں، نے اس تحقیق کو بچوں کی صحت کے لیے ایک اہم قدم قرار دیا ہے جو طویل المدت فوائد فراہم کر سکتا ہے۔
اس تحقیق کے نتائج کو امریکی جرنل آف کلینیکل نیوٹریشن کے نومبر کے شمارے میں شائع کیا گیا ہے، جس نے اس نئے علمی پیشرفت کو دنیا بھر کے محققین اور صحت کے ماہرین کے لیے اہم معلومات فراہم کی ہیں۔
