لاہور۔سارہ خان کو روزانہ پھول دینے والے شوہر فلک شبیر نے انہیں ایک قیمتی تحفے کے ذریعے حیران کر دیا۔فلک شبیر اکثر اپنی محبت کے اظہار کے لیے سارہ خان کو خوبصورت تحائف دیتے ہیں، جن کی ویڈیوز بھی اکثر و بیشتر سامنے آتی رہتی ہیں۔حال ہی میں فلک نے اپنے یوٹیوب چینل پر ایک وی لاگ شیئر کیا، جس میں انہوں نے سارہ کو دیا گیا فارم ہاؤس دکھایا۔
اس موقع پر سارہ خان شوہر کی جانب سے ملے قیمتی تحفے کو دیکھ کر نہ صرف حیران رہ گئیں بلکہ جذبات میں بہہ گئیں اور ان کی آنکھوں سے آنسو بہنے لگے۔فلک شبیر نے بتایا کہ وہ پچھلے ڈیڑھ سال سے اپنی بیوی کے لیے یہ فارم ہاؤس بنا رہے تھے۔
فلک کا فارم ہاؤس باہر سے دیہاتی طرز پر تعمیر کیا گیا ہے اور اندر جدید سہولیات سے آراستہ ہے۔ اس فارم ہاؤس میں انگور، انجیر، کینو اور فالسے کے درخت بھی موجود ہیں۔یاد رہے کہ رواں برس ہی فلک نے سارہ خان اور ان کی بیٹی عالیانہ فلک کو مرسڈیز بینز تحفے میں دی تھی۔فلک شبیر اور سارہ خان نے جولائی 2020 میں شادی کی تھی، اور ان کی ایک بیٹی عالیانہ فلک ہے۔
