ہانیہ عامر کا عالیہ بھٹ سے مشابہت پر خوشی کا اظہار

ممبئی: اداکارہ ہانیہ عامر نے کہا ہے کہ جب کوئی انہیں عالیہ بھٹ سے مشابہہ قرار دیتا ہے تو انہیں خوشی محسوس ہوتی ہے۔

بھارتی میڈیا کے مطابق، ہانیہ عامر نے حالیہ ایک انٹرویو میں بالی ووڈ کی معروف اداکارہ عالیہ بھٹ کے لیے اپنی پسندیدگی کا اظہار کیا۔ انہوں نے کہا کہ عالیہ بھٹ کی طرح نظر آنے کی وجہ سے انہیں متعدد پروجیکٹس ملے ہیں۔

ہانیہ نے بتایا کہ اگر بھارت میں کوئی برانڈ عالیہ بھٹ کے ساتھ معاہدہ کرتا ہے، تو پاکستان میں وہ انہیں مدعو کرتے ہیں۔ انہوں نے عالیہ بھٹ کو ایک باصلاحیت اور شاندار اداکار قرار دیا، اور مزید کہا کہ انہیں دپیکا پڈکون اور رنبیر کپور بھی پسند ہیں۔

ہانیہ عامر بھارت میں بھی کافی مقبول ہیں، اور حال ہی میں ان کی بھارتی گلوکار دلجیت دوسانج کے برطانیہ میں کنسرٹ کی تصاویر اور ویڈیوز سوشل میڈیا پر وائرل ہو گئی تھیں۔